Книга для женщин
5 000 ₸
0 / 1
Объявление скрыто
Параметры
Описание
Бұл кітапты 12 жасында өмірден озған қызым Мөлдірдің рухына арнаймын! Бақыт дегеніміз не? Қыруар қаржыны, аста-төк мол байлықты бақытқа жатқыза аламыз ба? «Жоқ» деп кесіп айтар едім. Бақыт атаулы байлыққа байланып тұрса, қалтасында қисапсыз қаржысы бар жандардың бәрі бақытты деу қиын. Әр пенденің өз басына тән мұңы, пешенесіне жазылған тағдыры бар. Әлемде жеке яхтасы, жеке лимузинінің ішінде отырып-ақ бақытсыздықтан жылап отыратын адамдар қаншама десеңші. Демек, жан дүниесі тынштық таппаған, жүрек түпкірінде ауыр мұң жатқан жан өзін бақыттымын деп жаһанға жар сала алмайды. Менің ойымша, бақыт дегеніміз – өмірде бар қиыншылықты жеңіп, өткен күндердің елесіне айналса да жаныңды жегідей жеген сәттерді оп-оңай еңсеру. Бес күндік жалғанда жан-жақтан етегіңнен тартқылап, тұңғиыққа тартуға тырысқан өмірдің сан түрлі қиындығын жеңген адам әп-сәтте бақытты адамға айналып шыға келетіні шындық. Әйгілі жазушы Лев Толстойдың: «Барлық бақытты отбасылар бірдей, әр бақытсыз отбасы өзінше бақытсыз», - деген сөзі бар. Яғни, адамның көңілін шалқытып, өмірге деген құлшынысын арттыратын бақыттың түр-түсі ұқсас болғанымен, көңілің мен тіршілігіңді кейінге тартып тұратын бақытсыздықтың салмағы әр түрлі. Осы ретте мен өзімді бақыттымын, елу жасқа дейінгі ғұмырыма дән ризамын деп айта аламын ба? Иә, өзімді әрқашан бақытты болуға ұмтылған, сол бақытты өмірдің жолында бар күш-жігерін аямай еңбек еткен, өмір үшін күрескен жан деп есептеймін. Егер өмір үшін шынайы күресе алсаңыз, бақытсызбын деп айтуға қақыңыз жоқ. Құдайға шүкір, өзімді үнемі бақытты сезініп, бақытты жандардың қатарынан көремін. Қазіргі өміріме, күнделікті тұрмысыма, жүріс-тұрысыма мың да бір шүкір! Жанымда қиналғанда сүйеу болатын, маған деген бар жылуын аямай, әрқашан қасымнан табылатын жарым – Майкл бар. Қазір Испанияның Гранада қаласында тұрамыз. Оливер атты ұлымызды, Дэйзи атты қызымызды мәпелеп өсірдік. Солардың жолында жанымыз құрбан деп, тіршілік етіп келеміз. Өгей шеше атансам да екі балаға аналық махаббатымды аяған емеспін. Оған көктегі Құдай, жанымдағы жарым куә! Оливер мен Дэйзидің маған деген құрметі де, ыстық ықыласы да, кірбіңсіз көңілі де ерекше. Дэйзи қызым перзенттік көңілімен «анашым» деп сөз бастағанда, алпыс екі тамырым иіп, көңілім толқып кетеді. Сондай сәттерде осыдан 20 жыл бұрын періште қалпында өмірден озған қызым – Мөлдірім еріксіз есіме түседі. Жанарыма келген жасты бірде көрсетіп, бірде көрсетпесем де, Мөлдір есіме оралғанда тағдыр жолымдағы бақыттың қайнар көзі қайдан бастау алатынын сеземін.
Умиткуль Д.
Продавец
- Все объявления
-
-
-
-
-
-
-
-
-
-
-
-
-
-
-
-
-
-
-